Gluggasmiðjan og Gluggar og gler hafa sameinast undir nafni og kennitölu Gluggasmiðjunnar, en nafnið Gluggar og gler munu halda áfram sem smásöludeild innan hins sameinaða félags.

Gluggasmiðjan hefur starfað óslitið síðan 1947 og verið einn öflugasti framleiðandi glugga á Íslandi frá þeim tíma. Gluggasmiðjan framleiðir glugga og hurðir úr timbri, ál og álklædda timburglugga.

Gluggar og gler var stofnað á árinu 2014 og hefur vaxið mjög hratt frá stofnun. Áhersla Glugga og glers hefur verið á sölu á gleri þ.e. gleri í glugga, sturtugler, gler á handrið og svalalokanir. Einnig hefur Gluggar og gler selt plastglugga.

Sameinað fyrirtæki er með rúmlega 40 starfsmenn. Gert er ráð fyrir vexti og fjölgun starfsmanna í tengslum við sameininguna.

Tilgangur sameiningarinnar er að auka umtalsvert vöruframboð og tryggja að sameinað félag geti boðið viðskiptavinum sínum hágæða vöru á mjög hagstæðu verði.

Sameinað félag verður staðsett í húsnæði Gluggasmiðjunnar að Viðarhöfða 3 í Reykjavík. Húsnæðið stendur við Vesturlandsveg og er um 3.000 m² að stærð. Húsnæðið mun hýsa verksmiðju, lager og söluskrifstofu hins sameinaða félags.

Sími hins sameinaða félags er 577 5050 og hægt að senda tölvupóst á tölvupóstföngin This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it.

Rétt er að benda viðskiptavinum Glugga og glers á það að hér eftir munu reikningar berast frá Gluggasmiðjunni.

Frekari upplýsingar verða veittar af Gunnari Linnet framkvæmdastjóra Gluggasmiðjunnar ehf í síma 898 1846 og Hafsteini Hilmarssyni framkvæmdastjóra Glugga og glers ehf. í síma 782 5600.


Á síðastliðnum misserum hefur Gluggasmiðjan lokið við verkþætti sína í ýmsum stórum verkum. Má þar nefna Stúdentagarðana við Sæmundargötu í Reykjavík, fjölbýlishús við Löngulínu 15-23 og Hjúkrunarheimilið í Reykjanesbæ. Óskum við viðskiptavinum okkar, Sveinbirni Sigurðssyni, Byggingafélagi Gylfa og Gunnars og Íslenskum Aðalverktökum, til hamingju með verklokin.

Framundan eru spennandi verkefni og má til dæmis nefna Mánatún fyrir Sveinbjörn Sigurðsson. Ráðgert er að byggðar verði allt að 175 íbúðir á reitnum en í fyrsta áfanga verkefnisins verða byggðar 89 íbúðir.


Stefán Þór Steindórsson fh.Gluggasmiðjunnar og Tryggvi Jónsson, verkefnastjóri hjá ÍAV. Gluggasmiðjan og ÍAV hafa undirritað verksamning vegna Hjúkrunarheimilis í Reykjanesbæ. Gluggasmiðjan mun sjá um framleiðslu á öllum álklæddum timburgluggum sem og álgluggum verksins.  Arkítektar byggingarinnar eru THG Arkítektar. Á myndinni, sem tekin var við undirskrift verksamnings handsala þeir Stefán Þór Steindórsson sölumaður hjá Gluggasmiðjunni og Tryggvi Jónsson, verkefnastjóri hjá ÍAV samninginn.

 


Gluggasmiðan framleiddi fyrr í haust glugga fyrir Mótanda ehf. í nýbyggingu þeirra í Austurkór 7a og 7b. Fyrir valinu var flaggskip Gluggasmiðjunnar, Lux kerfirð. Gluggar eru álklæddir og hurðir úr timbri. Þess má geta að gluggar í Austurkór 5 sem Mótandi byggði í fyrra eru einnig frá Gluggasmiðjunni. Myndin er fengin af facebook síðu Mótanda, en hana má nálgast hér.


  • Gluggasmiðjan 08
  • Gluggasmiðjan 07
  • Gluggasmiðjan 05
  • Gluggasmiðjan 04
  • Gluggasmiðjan 03
  • Gluggasmiðjan 02
  • Gluggasmiðjan 12
  • Gluggasmiðjan 11
  • Gluggasmiðjan 10
  • Gluggasmiðjan 09
© 2018 Flex. All Rights Reserved. Powered by Aplikko

Please publish modules in offcanvas position.